Sakinlərin nəzərinə: Bu küçələrdə işıq kəsiləcək
Sentyabrın 18-də təmir işləri ilə əlaqədar Bakının bir sıra ərazilərində elektrik enerjisinin verilişində müvəqqəti fasilələr yaranacaq.
Bu barədə “Azərişıq” ASC məlumat yayıb.
Bildirilib ki, saat 10:00-dan 14:00-dək Xətai rayonunun Məhəmməd Hadi və Sarayevo küçələrində elektrik enerjisinin verilişində fasilələr olacaq.
Xəzər rayonunun Mərdəkan qəsəbəsində də saat 10:00-dan 14:00-dək Almaz İldırım, Hacı Məmmədov, Məmməd Səid Ordubadi və Mirzə Ələkbər Sabir küçələrinin bəzi hissələrində elektrik enerjisi müvəqqəti dayandırılacaq.
Bundan başqa, saat 10:00-dan 13:00-dək Abdulla Qarayev, Mirmövsüm Nəvvab, Nəriman Nərimanov və Zahid Xəlilov küçələrinin ayrı-ayrı hissələrində elektrik enerjisinin verilişində fasilələr gözlənilir.
