ABŞ hərbi bazalarındakı dağıntıların real miqyası üzə çıxdı
CBS telekanalı Səudiyyə Ərəbistanı və Küveytdəki ABŞ hərbi obyektlərinə endirilən zərbələrin nəticələrini əks etdirən fotolar yayımlayıb. Kadrlarda bazalardakı zədələnmiş binalar, hərbi təyyarələr və digər infrastruktur obyektləri görünür.
Fotoları CBS-ə adlarının açıqlanmasını istəməyən amerikalı hərbçilər təqdim ediblər. Mənbənin bildirdiyinə görə, bazalara dəymiş ciddi ziyan barədə ABŞ ictimaiyyətinə məlumat verilməyib.
Səudiyyə Ərəbistanındakı aviabazadan çəkilən fotolarda zədələnmiş “Boeing E-3 Sentry” təyyarələri və dağıdılmış kazarmalar görünür.
CBS-in məlumatına görə, Küveytdəki Bürinq düşərgəsində isə dağıdılmış binalar, yanmış avtomobil və çoxlu sayda dağıntı qeydə alınıb.
