Gürcüstanın Azərbaycana yeni səfiri təyin edildi
Giorgi Zakaraşvili Gürcüstanın Azərbaycandakı fövqəladə və səlahiyyətli səfiri təyin edilib. Bu barədə Gürcüstan Xarici İşlər Nazirliyi məlumat yayıb.
Məlumatda Zakaraşvilinin çoxillik diplomatik təcrübəyə malik olduğu qeyd edilib. O, 2021-ci ildən Gürcüstanın Ukraynadakı səfiri və Gürcüstanın GUAM yanında daimi nümayəndəsi vəzifələrində çalışıb.
Zakaraşvili bundan əvvəl Gürcüstanın Ukraynadakı səfirliyində, həmçinin İsveçrənin Rusiyadakı səfirliyi nəzdində Gürcüstanın maraqlarını təmsil edən bölmədə fəaliyyət göstərib.
