Tennis finalında diqqətlər onlara çevrildi – FOTO
Bred Pitt 2022-ci ildən münasibətdə olduğu zərgərlik dizayneri İnes de Ramonla birlikdə ABŞ Açıq Tennis Çempionatının finalını izləyib.
62 yaşlı Hollivud ulduzu və 33 yaşlı sevgilisi Nyu-Yorkun Kuins rayonundakı USTA Billie Jean King Milli Tennis Mərkəzində keçirilən kişilər arasında final qarşılaşmasını tribunadan izləyiblər. Finalda amerikalı Ben Şeltonla almaniyalı Aleksandr Zverev üz-üzə gəlib və Zverev qalib olub.
Matç boyunca söhbət edib əylənən cütlüyün səmimi anları da diqqətdən yayınmayıb. Pitt və de Ramon tribunada bir-birlərini öpərkən kameralara tuş gəliblər. Cütlük bir gün əvvəl qadınların final qarşılaşmasını da birlikdə izləyib.
Bred Pitt final üçün tünd-göy rəngli geyim seçib və obrazını tərsinə taxdığı papaqla tamamlayıb. İnes de Ramon isə cins şalvar və güllü, dekolteli kofta ilə diqqət çəkib.
Bred Pitt və İnes de Ramonun münasibəti 2022-ci ilin noyabrında başlayıb. Cütlük ilk dəfə 2024-cü ilin sentyabrında Venesiya Film Festivalında birlikdə qırmızı xalçaya çıxıb. Daha sonra onlar müxtəlif idman yarışlarında və tədbirlərdə dəfələrlə birlikdə görüntüləniblər.
