Paytaxtın bir sıra ərazilərində 3 saat işıq olmayacaq

Bakının Yasamal rayonunun bir sıra ərazilərində bu gün elektrik enerjisinin verilişində müvəqqəti məhdudiyyətlər tətbiq olunacaq.

Denmedia.az xəbər verir ki, bu barədə “Azərişıq” ASC-nin mətbuat xidmətindən məlumat verilib.

Bildirilib ki, Yasamal Rayon Enerji Təchizatı və Satışı İdarəsinin (RETSİ) xidməti ərazisində yerləşən transformator məntəqəsində təmir işləri aparılacaq.

Bununla əlaqədar saat 10:00-dan 13:00-dək Süleyman Dadaşov və Zahid Xəlilov küçələrində, Hüseyn Cavid prospektində, eləcə də Yeni Yasamal 2 yaşayış massivinin bir hissəsində elektrik enerjisinin verilişi məhdudlaşdırılacaq.

“Azərişıq” ASC-dən bildirilib ki, təmir işləri başa çatdıqdan sonra həmin ərazilərdə abonentlər daha keyfiyyətli və dayanıqlı elektrik enerjisi ilə təmin olunacaqlar.