Məmmədəli Mehdiyev dünya çempionu oldu
Azərbaycan cüdoçusu Məmmədəli Mehdiyev Bosniya və Herseqovinanın paytaxtı Sarayevoda keçirilən veteranlar arasında dünya çempionatının qalibi olub.
Azərbaycan Cüdo Federasiyasının məlumatına görə, yarışın ilk günündə milli komandamızın üzvləri M1 yaş kateqoriyasında 1 qızıl və 3 bürünc medal qazanıblar.
100 kq çəki dərəcəsində mübarizə aparan Məmmədəli Mehdiyev bütün rəqiblərinə qalib gələrək dünya çempionu adını qazanıb.
Əbülfət İsmayılov (-60 kq), Mahir Abbasov (-81 kq) və Coşqun Abdullayev (-90 kq) isə bürünc medala layiq görülüblər.
Qeyd edək ki, Azərbaycan dünya çempionatında 30 cüdoçu ilə təmsil olunur.
