Azərbaycanda genişmiqyaslı polis əməliyyatları – 151 nəfər saxlanıldı, onlarla cinayətin üstü açıldı
Azərbaycanda ötən sutka ərzində axtarışda olan 151 nəfər saxlanılaraq aidiyyəti qurumlara təhvil verilib.
Bu barədə Daxili İşlər Nazirliyinin (DİN) mətbuat xidmətindən məlumat verilib.
Bildirilib ki, sentyabrın 22-də ölkə ərazisində qeydə alınan 52, əvvəlki dövrlərdən bağlı qalan isə 7 cinayətin üstü açılıb. Cinayət törətməkdə şübhəli bilinən 74 nəfər saxlanılıb.
Axtarışda olan 151 nəfərdən 136-sı borclu şəxs qismində axtarılıb.
Polis əməkdaşlarının keçirdikləri əməliyyat tədbirləri nəticəsində narkotik vasitələrin qanunsuz dövriyyəsi ilə bağlı 25, silah-sursatın qanunsuz saxlanılması və aşkarlanması ilə əlaqədar isə 10 fakt müəyyən edilib.
Bundan əlavə, ailə üzvlərinə məlumat vermədən yaşadığı ünvanı tərk etdiyinə görə itkin düşmüş kimi axtarışda olan 8 nəfər tapılaraq aidiyyəti üzrə təhvil verilib.
Dələduzluğa görə axtarışda olan daha 3 nəfər saxlanılaraq istintaqa təhvil verilib.
Keçirilən əməliyyatlar zamanı ümumilikdə 49,7 kiloqram narkotik vasitə aşkar edilərək götürülüb.
DİN-dən bildirilib ki, narkotik vasitələrin qanunsuz dövriyyəsinə qarşı mübarizə tədbirləri davam etdirilir.
