Bilgəhdə dənizdə batan iki gəncin meyiti tapıldı
Bakının Sabunçu rayonu, Bilgəh qəsəbəsi sahilində üç gün əvvəl dənizdə batan iki gəncin meyiti tapılıb.
Bu barədə Fövqəladə Hallar Nazirliyinin (FHN) mətbuat xidmətindən məlumat verilib.
Bildirilib ki, sentyabrın 19-da Bilgəh qəsəbəsi ərazisindəki nəzarətsiz çimərlikdə dənizdə batan 2008-ci il təvəllüdlü Əlizadə Əlipaşa Natiq oğlu və Əmrəliyev Elmin Elman oğlunun meyitləri suda aşkarlanıb.
Hər iki gəncin meyiti FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən sudan çıxarılıb.
Əldə olunan məlumata görə, həyatını itirən gənclərin hər ikisi tələbə olub.
