Tramp və Makron Ukrayna üçün hərəkətə keçir
Fransa Prezidenti Emmanuel Makron ABŞ Prezidenti Donald Trampla birlikdə Ukraynanın enerji və mülki infrastrukturuna zərbələrin dayandırılması üçün moratoriumun razılaşdırılması istiqamətində çalışmağa hazır olduğunu bildirib.
Makron bu barədə Nyu-Yorkda Trampla keçirdiyi görüşdən sonra “X” sosial şəbəkəsindəki hesabında paylaşım edib.
“Ukraynada enerji obyektlərinə və mülki infrastruktura zərbələrin dayandırılması üçün moratoriumun əldə edilməsi istiqamətində birlikdə çalışacağıq”, – deyə Fransa lideri vurğulayıb.
Makron həmçinin Rusiya ilə Ukrayna arasında sülhün əldə olunması şərtləri üzrə ciddi danışıqların aparılmasının tərəfdarı olduğunu bildirib.
