Qaynanasını qətlə yetirən qadına 10 il həbs verildi

Lənkəran Ağır Cinayətlər Məhkəməsində qaynanasını öldürməkdə təqsirləndirilən Rufanə İmanovanın cinayət işi üzrə növbəti məhkəmə iclası keçirilib.

DenMedia.az  apa-ya istinadən xəbər verir ki,, hakim Neymət Məmmədovun sədrliyi ilə keçirilən prosesdə hökm elan olunub.

Məhkəmənin qərarı ilə Rufanə İmanova 10 il müddətinə azadlıqdan məhrum edilib.

Xatırladaq ki, hadisə 2025-ci ilin iyul ayında Astara rayonunda baş verib. İttihama görə, Rufanə İmanova ailə münaqişəsi zəminində qaynanası Xalidə Mənafovanı kəsici alətlə qətlə yetirib.

Ona Azərbaycan Respublikası Cinayət Məcəlləsinin 120.2.4-cü maddəsi ilə — xüsusi amansızlıqla törədilmiş qəsdən adamöldürmə maddəsi üzrə ittiham irəli sürülmüşdü.