Maldiv tətili kabusa döndü: Hamilə rusiyalı qadın Qərbi Nil qızdırmasına yoluxdu
Maldiv adalarında hamilə rusiyalı qadın Qərbi Nil qızdırmasına yoluxdu
Maldiv adalarında istirahət edən hamilə rusiyalı qadın ağcaqanad dişləməsindən sonra Qərbi Nil qızdırmasına yoluxdu. Bu barədə Mash Telegram kanalı məlumat yayıb.
32 yaşlı, yeddi aylıq hamilə turistin bədən hərarəti 39 dərəcəyə yüksəldi. Qadında güclü baş və bel ağrıları yarandı. Onu xəstəxanaya yerləşdirdilər və qadın üç gün stasionar şəraitdə müalicə aldı. Həkimlər virus infeksiyasını təsdiqlədilər.
Xəstəlik ağır keçdikdə sinir sistemini zədələyə, meningitə və ya ensefalitə — beyin qişalarının və ya beyin toxumasının iltihabına səbəb ola bilər. Mümkün ağırlaşmalar arasında qıcolmalar və şüur pozğunluqları da var.
Virusun anadan dölə keçməsi də mümkündür. Nadir hallarda bu, ana bətnindəki körpənin beyninin zədələnməsi və görmə orqanlarının inkişafında pozğunluqlar yaranması riskini artırır.
