Ronaldu “Qızıl top” yarışında Messini qabaqladı
Portuqaliyalı futbolçu Kriştianu Ronaldu “France Football” jurnalının təşkil etdiyi “Bütün dövrlərin Qızıl topu” adlı azarkeş səsverməsində birinci yeri tutub.
Səsvermədə Ronaldunun 2008-ci ildə qazandığı “Qızıl top” mükafatı ən yaxşı nəticə göstərib. İkinci yerdə isə argentinalı Lionel Messinin 2012-ci ildə əldə etdiyi mükafat qərarlaşıb.
Maraqlıdır ki, səsvermədə iştirak ödənişli olub və hər səs üçün 1 avro tələb edilib. Azarkeşlərə bir neçə dəfə səs verməyə də icazə verilib. Bəzi iştirakçılar hətta 26 dəfə səs veriblər.
Nəticələr 2026-cı ilin “Qızıl top” mükafatının Harri Keynə təqdim edilməsindən iki gün sonra açıqlanıb.
Qeyd edək ki, Lionel Messi karyerası ərzində 8 dəfə, Kriştianu Ronaldu isə 5 dəfə “Qızıl top” qazanıb.
Yeni səsvermə Ronaldunun rəsmi mükafatlarının sayını artırmır. Bu, azarkeşlərin əvvəlki illərin “Qızıl top” qalibləri arasında keçirdiyi ayrıca seçimdir.
