Netanyahunun müttəfiqi Dermer ailəsinə verdiyi sözə görə postundan ayrıldı
saida
İsrailin baş naziri Benyamin Netanyahunun yaxın tərəfdarı Ron Dermer girovların azad edilməsi üzrə danışıqların uğurla başa çatmasının ardından istefa verdiyini açıqlayıb.
Bloomberg xəbər verir ki, Dermer 2023-cü il oktyabrın 7-də HƏMAS-ın İsrailin cənubuna hücumundan sonra girovların taleyi ilə bağlı danışıqları aparan İsrail nümayəndə heyətinə rəhbərlik edib.
İstefa bəyanatında o bildirib ki, vəzifəsindən ailəsinə verdiyi vədi yerinə yetirmək üçün ayrılır. Dermer həmçinin son iki ilin müharibəsinin və İsrail ilə ABŞ-ın birgə səylərinin ölkənin təhlükəsizliyini möhkəmləndirmədəki rolunu vurğulayıb. O yazıb ki, hökumətin simasını həm 7 oktyabr hücumu, həm də ondan sonra başlayan yeddi cəbhəli iki illik müharibə müəyyənləşdirəcək.
Qeyd edək ki, Dermer Strateji İşlər Nazirliyinə seçki yolu ilə deyil, birbaşa təyinatla gətirilmişdi — bu, İsrail siyasətində nadir hadisə sayılır. Nazirlik isə xüsusilə onun üçün bərpa edilmişdi, çünki əvvəlcə ləğv olunmuşdu.
