Bu saatdan etibarən 21 kənd qazsız qalacaq

Bu gün səhər saat 10:00-dan başlayaraq "Xaldan Əhali" ölçü qovşağından Yevlax rayonu ərazisində yerləşən 21 kəndin mavi yanacaqla təminatında fasilə yaranması nəzərdə tutulur.

Denmedia.az xəbər verir ki, bu barədə "Azəriqaz" İstehsalat Birliyi məlumat yayıb.

Qurumdan bildirilib ki, məhdudiyyət ümumilikdə 5 806 əhali və 38 qeyri-əhali kateqoriyasına aid abonenti əhatə edəcək.

Qeyd edilib ki, qaz təchizatının müvəqqəti dayandırılması qaz ölçü qovşağında mövcud olan baypas xəttində aparılacaq təmir işləri ilə əlaqəlidir.