Oynaq ağrısına dözmək artrozu sürətləndirə bilər

Oynaq ağrılarına dözmək vərdişi artrozun vaxtından əvvəl inkişafına səbəb ola bilər.

Bu barədə ortoped-travmatoloq Dmitri Belyakov “Radio 1”ə açıqlamasında xəbərdarlıq edib.

Həkim bildirib ki, bədəndəki narahatlıq yatmağa və ya hərəkət etməyə mane olursa, dərhal mütəxəssisə müraciət etmək lazımdır.

“Artroz hamımızı gözləyir. Sual ondadır ki, ilk olaraq hansı oynaq zədələnəcək. Boksçularda bu, çiyin, motosikletçilərdə bilək, qaçışçılar və xokkeyçilərdə isə dizlər ola bilər. Gələcəkdə uzun yaşayanların çoxuna protez qoyulacaq. Amma həkimin vəzifəsi bu anı mümkün qədər gecikdirməkdir”, — deyə Belyakov qeyd edib.

Onun sözlərinə görə, oynaq protezi əməliyyatına düşünülmüş şəkildə hazırlaşmaq lazımdır. Bunun üçün əzələləri möhkəmləndirmək, artıq çəkini azaltmaq və protezin növünü — qismən və ya tam protez — düzgün seçmək vacibdir.

Həkim əməliyyata hazırlığa ən azı 2-3 ay əvvəl başlamağı daha məqsədəuyğun hesab edir.

DenMedia.az