Süd vəzi xərçəngi niyə bəzi qadınlarda daha erkən başlayır?

Bəzi qadınlar digərləri ilə müqayisədə süd vəzi xərçənginin erkən inkişafına daha çox meyllidirlər.

Bu barədə NEWS.ru-ya açıqlamasında onkoloq, mammoloq, dermatoloq, tibb elmləri namizədi Yevgeni Çeremuşkin danışıb.

Onun sözlərinə görə, söhbət irsi xərçəng formalarının daşıyıcısı olan qadınlardan gedir. Bu hallar müəyyən gen mutasiyaları ilə əlaqəlidir.

Müəyyən gen mutasiyaları ilə bağlı olan irsi xəstəlik formaları — süd vəziləri və yumurtalıqlarda şişlərin yaranmasına səbəb olan genetik meyllilikdir. Bu halda xəstəlik daha erkən yaşda özünü göstərə bilər, — deyə Çeremuşkin bildirib.

Ekspert qeyd edib ki, süd vəzi xərçənginin əsas halları belə qadınlarda adətən 30–50 yaş aralığında qeydə alınır.

Onun sözlərinə görə, bu, ayrıca pasiyent kateqoriyasıdır və həmin qadınlar gənc yaşlardan skrininqdən keçməlidirlər.

Denmedia.az