Səhər yeməyi üçün ideal seçim, diyetoloq məsləhət gördü - FOTO
saida
Tam taxıllı çörəklə hazırlanmış balıq və avokadolu buterbrod səhər yeməyi üçün orqanizmi uzun müddət enerji ilə təmin edir. Bu barədə KP.RU-ya diyetoloq Anna Tsukanova bildirib.
Onun sözlərinə görə, bu məhsullar B qrup vitaminləri ilə zəngindir və sinir sisteminin fəaliyyətini dəstəkləyir.
“Mənim fikrimcə, dadlı və faydalı maddələrlə zəngin optimal səhər yeməyi – tam taxıllı çörək, avokado və balıqla hazırlanmış buterbroddur”
Həkim qeyd edib ki, yod müxtəlif dəniz balıqlarında – həm yağlı növlərdə, həm də daha yüngül variantlarda, məsələn, mintayda mövcuddur.
O bildirib ki, bu cür qidalar rasiona mütəmadi daxil edildikdə orqanizm yalnız yod deyil, həm də ümumi vəziyyəti sabit saxlayan digər mikroelementlərlə təmin olunur.
Tsukanovanın sözlərinə görə, bu məhsullarda olan çox doymamış yağlar tədricən mənimsənilir, nəticədə enerji bərabər şəkildə verilir və qan şəkərində kəskin artımın qarşısı alınır.
O əlavə edib ki, balıq və avokadolu buterbroda təzə göyərti, xiyar və ya pomidor da əlavə etmək olar.
