Göygöldə minik maşını işıq dirəyinə çırpıldı, yaralılar var

Göygöldə baş verən yol qəzasında iki nəfər xəsarət alıb.

Denmedia.az apa-ya istinadən xəbər verir ki, hadisə rayonun Üçtəpə kəndi ərazisində qeydə alınıb. “Hyundai” markalı minik avtomobili idarəetmədən çıxaraq yol kənarındakı işıq dirəyinə çırpılıb.

Qəza nəticəsində iki nəfər xəsarət alıb və onlar xəstəxanaya yerləşdiriliblər. Hadisə yerinə polis əməkdaşları cəlb olunub.

Faktla bağlı araşdırma aparılır.