Tanışlıq adı ilə yaxınlaşdı, kişinin pulunu oğurladı

Paytaxtın Nəsimi rayonunda tanış olmaq məqsədilə kişiyə yaxınlaşaraq onun pulqabısını oğurlayan qadın saxlanılıb.

Denmedia.az oxu.az-a istinadən xəbər verir ki, zərərçəkən polisə müraciət edərək içərisində 900 manat pul, bank kartları və şəxsiyyət sənədləri olan pulqabısının oğurlandığını bildirib.

Polis əməkdaşlarının keçirdikləri əməliyyat-axtarış tədbirləri nəticəsində əməli törətməkdə şübhəli bilinən, əvvəllər analoji cinayətə görə məhkum olunmuş 43 yaşlı O.Musayeva müəyyən edilərək saxlanılıb.

Araşdırmalarla məlum olub ki, o, tanış olmaq məqsədilə zərərçəkənə yaxınlaşıb, diqqətini yayındıraraq pul kisəsini oğurlayıb.

Faktla bağlı araşdırmalar davam etdirilir.