Gəncədə qadına həyat yoldaşı balta ilə xəsarət yetirdi

Gəncə şəhərində məişət zəminində ağır xəsarətlə nəticələnən hadisə baş verib.

DenMedia.az lent.az-a istinadən xəbər verir ki, şəhər sakini, 1985-ci il təvəllüdlü S. Cəfərova bədənin müxtəlif nahiyələrindən açıq yaralarla xəstəxanaya yerləşdirilib.

Zərərçəkənə dərhal tibbi yardım göstərilib, vəziyyətinin hazırda kafi olduğu bildirilir.

İlkin məlumata əsasən, qadına xəsarətləri həyat yoldaşı balta ilə yetirib.

Hadisə yerinə polis əməkdaşları cəlb olunub, faktla bağlı araşdırma aparılır.