Rusiya-Ukrayna müharibəsində daha bir azərbaycanlı həlak oldu

Ukrayna ərazisində gedən döyüşlər zamanı Naxçıvanın Şahbuz rayonundan olan Rüstəm Mustafayev həlak olub.

Bu barədə Ukraynadakı Azərbaycan diasporu məlumat yayıb.

Bildirilir ki, o, Ukrayna Silahlı Qüvvələrinin 128-ci ayrı dağ-hücum briqadasının 1-ci dağ-hücum batalyonunun tərkibində xidmət edib.

Məlumata görə, Rüstəm Mustafayev Zaporojye vilayəti uğrunda gedən döyüşlərdə həyatını itirib.

Qeyd olunur ki, onun qardaşı hazırda da cəbhədə döyüşlərdə iştirak edir.

DenMedia.az