saida
ABŞ Prezidenti Donald Trampın Kentukki ştatında keçirilən mitinqi zamanı onun arxasında dayanan bir qadın qəfil huşunu itirib. Bu barədə The Daily Beast yazıb.
Bildirilir ki, Respublikaçılar Partiyasının tədbirində iştirak edən qadın siyasətçinin çıxışının başlamasından 30 dəqiqə keçməmiş özünü pis hiss edib. O, əvvəlcə solğunlaşıb, baryerə söykənib, daha sonra isə yerə yıxılıb. Həmin anda Donald Tramp Kaliforniya qubernatoru Qevin Nyusomu tənqid edirdi.
Hadisədən sonra mitinq iştirakçıları kömək çağırmağa başlayıblar. Donald Tramp isə zalda həkim olub-olmadığını soruşub və daha sonra tibb işçilərini tələsməməyə çağırıb.
Qadına ilk tibbi yardım göstərilərkən, ABŞ prezidenti iştirakçılara opera müğənnisi Luçano Pavarottinin ifasında “Ave Maria” əsərini dinləməyi təklif edib.
