Taleyi dəyişə biləcək danışıqlar: Kremldə nə razılaşdırıldı?
saida
Vladimir Putinin ABŞ nümayəndə heyəti — Stiv Uitkoff, Cared Kuşner və Devid Grünbaum ilə görüşü Kremldə 3,5 saatdan çox davam etdikdən sonra yekunlaşıb.
Rusiya prezidentinin köməkçisi Yuri Uşakovun sözlərinə görə, danışıqlar açıq, etimadlı və konstruktiv mühitdə keçib.
ABŞ tərəfi Donald Trampın Volodimir Zelenski ilə Davosda keçirdiyi görüşlə bağlı qiymətləndirmələri “birbaşa mənbədən” təqdim edib.
Görüşdə Trampın “Sülh Şurası”nın yaradılması təşəbbüsü, həmçinin Qrenlandiya ətrafındakı vəziyyət də müzakirə olunub. Uşakov bildirib ki, tərəflər ərazi məsələsi həll olunmadan uzunmüddətli nizamlanmanın mümkün olmadığı qənaətinə gəliblər.
Razılaşmaya əsasən, cümə günü Əbu-Dabidə Rusiya, ABŞ və Ukraynanın iştirakı ilə təhlükəsizlik məsələləri üzrə üçtərəfli işçi qrupunun ilk iclası keçiriləcək. Rusiya nümayəndə heyətinə İqor Kostyukov rəhbərlik edəcək.
Bundan əlavə, iqtisadi gündəlik də müzakirə olunub. Əbu-Dabidə ikitərəfli iqtisadi qrupun rəhbərləri — Kirill Dmitriyev və Stiv Uitkoff arasında ayrıca görüş planlaşdırılır. Bildirilib ki, Rusiya nümayəndə heyəti Putindən konkret göstərişlər alıb.
Uşakov vurğulayıb ki, Rusiya SVO-nun məqsədlərinə siyasi-diplomatik həll tapılana qədər nail olmağa davam edəcək.
