Rusiya vətəndaşlarına xəbərdarlıq edildi: Bundan sonra…

Rusiya Xarici İşlər Nazirliyi (XİN) İspaniyaya daxil olan Rusiya vətəndaşlarına yeni biometrik qaydaların tətbiq olunduğunu açıqlayıb.

DenMedia.az xəbər verir ki, bu barədə TASS məlumat yayıb. Nazirliyin xəbərinə əsasən, bu gündən etibarən Rusiya  vətəndaşları sərhəddə barmaq izləri verməli və fotoşəkil çəkdirməlidirlər.

“Yeni biometrik sistem bu gündən qüvvəyə minir. Fotoşəkillər və barmaq izləri üçüncü ölkə vətəndaşları, o cümlədən Rusiya  vətəndaşları üçün giriş-çıxış zamanı məcburi olacaq”, – deyə XİN-in açıqlamasında bildirilib.

Yeni sistem ilkin olaraq Madrid hava limanında tətbiq olunacaq, daha sonra isə digər sərhəd nəzarət məntəqələrinə yayılacağı gözlənilir.