İspaniya taxtının varisi üçillik hərbi hazırlığını başa vurdu - FOTO
saida
İspaniya taxtının varisi, Asturiya şahzadəsi Leonor üç il davam edən hərbi hazırlığını başa vurub.
20 yaşlı Leonor quru, dəniz və hava qüvvələrində təlim keçib. O, Aviasiya və Kosmos Akademiyasında keçirilən məzuniyyət mərasimindən sonra hərbi hazırlıq proqramını tamamlayıb.
Mərasimdə Kral VI Felipe, Kraliça Letisiya və şahzadənin kiçik bacısı Sofiya da iştirak ediblər.
Şahzadə Leonor gələcəkdə taxta çıxacağı təqdirdə, təxminən 150 ildən sonra İspaniyanın ilk hakim kraliçası kimi tarixə düşəcək.
