Meta-dan WhatsApp-la bağlı gözlənilməz qərar - FOTO

Meta Platforms Hindistanın fintech startapı CRED-in qurucusu Kunal Şahı WhatsApp-ın qlobal rəhbəri təyin edib.

Reuters-in məlumatına görə, Kunal Şah bu vəzifədə WhatsApp-a 7 il rəhbərlik etmiş Uill Katkartı əvəz edəcək. Katkart isə Meta daxilində yeni vəzifəyə keçəcək.

Təyinat Meta-nın CRED-ə böyük investisiyası fonunda baş tutub. Şirkət Hindistan startapına 900 milyon dollar yatıracaq və bunun qarşılığında CRED-də təxminən 20 faizlik pay əldə edəcək. Bu investisiya CRED-in dəyərini 4,5 milyard dollar səviyyəsində qiymətləndirir.

Meta bildirib ki, razılaşma çərçivəsində CRED istifadəçilərinin məlumatlarına çıxış əldə etməyəcək. Kunal Şah WhatsApp-dakı yeni vəzifəsi ilə əlaqədar CRED-in gündəlik idarəçiliyindən ayrılacaq, şirkətdə müvəqqəti baş direktor vəzifəsini isə Miten Sampat icra edəcək.

Analitiklər hesab edirlər ki, bu addım Meta-nın xüsusilə Hindistan bazarında ödənişlər, fintech və WhatsApp Pay istiqamətində mövqeyini gücləndirmək planları ilə bağlı ola bilər.

DenMedia.az