Skandal geri qayıdır: Kevin Speysiyə qarşı cinsi təcavüz iddiaları

Amerikalı aktyor Kevin Speysi 2026-cı ilin oktyabrında Londonun Ali Məhkəməsi qarşısına çıxacaq. Buna səbəb onun əleyhinə qaldırılmış yeni mülki iddialardır. Bu barədə məlumatı BBC yayıb.

İddiaları irəli sürən üç kişi bildirir ki, Speysi 2000–2013-cü illər arasında onlara qarşı seksual xarakterli təcavüz törədib.

Məhkəmə 12 oktyabr 2026-cı ili ilkin proses tarixi kimi müəyyən edib. İşlər həm birləşdirilmiş halda, həm də üç ayrı proses kimi baxıla bilər.

İddiaların detalları

İstənilən adları məxfi saxlanılan iki zərərçəkmişdən biri, LNP, bildirir ki, Speysi ona qarşı:

“təxminən on iki dəfə zorakı hərəkət törədib”.

Digər zərərçəkmiş — GHI — deyir ki, aktyorun 2008-ci ildəki hücumu ona həm psixoloji travma, həm də maddi ziyan vurub. Onun sözlərinə görə, Speysi ilə “Old Vic” teatrında keçirilən seminar zamanı tanış olub.

Üçüncü şəxs — aktyor Ruari Kennon — adını gizlətməyib və iddia edir ki, Speysi 2013-cü ildə eyni teatrda keçirilən bir tədbirdə ona təcavüz xarakterli yaxınlıq edib.

Speysinin mövqeyi

BBC qeyd edir ki, aktyor:

“bütün ittihamları qəti şəkildə rədd edir”.

O, artıq iki iddiaya rəsmi cavab verib, üçüncüyə isə hələ münasibət bildirməyib.

Xatırladaq ki, 2023-cü ildə Kevin Speysi Böyük Britaniyada aparılan cinayət işində doqquz seksual təcavüz ittihamından tam bəraət almışdı.

DenMedia.az