Trampın Epşteyn işi üzrə sənədləri gizlətmək istədiyi iddia olunur

Megaupload və Mega platformalarının yaradıcısı Kim Dotkom (Kim Şmits) hesab edir ki, ictimaiyyət Epşteyn işi üzrə tam həqiqəti heç vaxt bilməyəcək. DenMedia.az xəbər verir ki, o, bunu sosial şəbəkə X-də yazıb.

Onun fikrincə, ABŞ hakimiyyəti, xüsusilə də prezident Donald Trampın administrasiyası kompromat xarakterli materialların ortaya çıxmaması üçün əlindən gələni edəcək.

Dotkom bildirib:

“Epşteyn işi üzrə yalnız məxfilikdən çıxarılmış sənədlər açıqlanacaq. Tramp və onun qurumları nəyi gizlətmək istəyirlərsə, onu da gizli saxlayacaqlar. Siz yenə də bütün həqiqəti öyrənməyəcəksiniz.”

Gözlənilir ki, ABŞ Nümayəndələr Palatası 18 noyabrda iş üzrə sənədlərin dərc edilməsi ilə bağlı səsvermə keçirəcək. Qeyd olunur ki, əvvəlcə buna qarşı çıxan Donald Tramp son anda mövqeyini dəyişib.