Tbilisidəki hadisə ilə bağlı daha 16 nəfər saxlanıldı – ümumi say 62-yə çatdı

Gürcüstan Daxili İşlər Nazirliyinin əməkdaşları 4 oktyabrda Tbilisidə Prezident sarayına hücum cəhdinə görə daha 16 nəfəri saxlayıblar.

DenMedia.az xəbər verir ki, beləliklə, ümumi saxlanılanların sayı 62 nəfərə çatıb. Bu barədə brifinqdə nazirliyin rəhbəri Gela Geladze məlumat verib.

“Göstərilən cinayət işi üzrə aparılan istintaq çərçivəsində bu gün daha 16 nəfər saxlanılıb. Hazırda ümumilikdə 62 nəfər həbs edilib, xaricdə olan iki şəxs barəsində isə cinayət təqibi başlanıb,” – deyə Geladze bildirib.