Devid Bekhem oğlu ilə münaqişə barədə danışmaqdan imtina etdi - FOTO

İngiltərə millisinin sabiq kapitanı Devid Bekhem böyük oğlu ilə yaşadığı iddia olunan münaqişə barədə jurnalistlərin sualını cavablandırmaqdan imtina edib.

Variety-nin məlumatına görə, hadisə Hollivudun “Şöhrət xiyabanı”nda keçirilən mərasim zamanı baş verib. Məşhur futbolçu həmin tədbirdə ulduzla təltif olunub.

Jurnalistlər Bekhemdən böyük oğlu ilə davam edən münasibət gərginliyi barədə soruşublar. O isə bu mövzuya münasibət bildirmək istəmədiyini deyib.

“Düzünü desəm, sözünüzü kəsdiyim üçün üzr istəyirəm, amma bu, şəxsi məsələdir. Bu, danışmaq istəmədiyim yeganə mövzudur”, — deyə Bekhem bildirib.

Mərasimdə Devid Bekhemi həyat yoldaşı Viktoriya Bekhem, həmçinin üç kiçik övladı — Romeo, Kruz və Harper müşayiət edib. Lakin onun böyük oğlu, 27 yaşlı Bruklin Bekhem tədbirdə iştirak etməyib.

                                                                                      Devid Bekhem və Viktoriya Bekhem

Məlumata görə, Bruklin 2026-cı ilin yanvarında sosial şəbəkə hesablarında ailəsi ilə arasında yaranan münaqişədən danışıb. O, valideynlərini həddindən artıq nəzarətçi olmaqda ittiham edib və Devidlə Viktoriyanın yalnız xoşbəxt ailə görüntüsü yaratdıqlarını iddia edib.

Daha sonra Bruklin valideynlərinə hüquqi bildiriş göndərib. Bildirişdə qeyd olunub ki, Devid və Viktoriya onunla yalnız vəkillər vasitəsilə əlaqə saxlaya bilərlər.

Mətbuatın yazdığına görə, Bruklin bu addımı onun həyat yoldaşı Nikola Peltsin təsiri altında olduğu barədə yayılan xəbərlərdən sonra atıb.

                                                                                            Bruklin Bekhem və Nikola Pelts

DenMedia.az