Özündən 14 yaş kiçik sevgilisi Sienna Millerə evlilik təklifi etdi - FOTO
saida
Aktrisa Sienna Miller şəxsi həyatı ilə yenidən gündəmə gəlib. Bir neçə ildir münasibətdə olduğu aktyor və model Oli Green aktrisaya evlilik təklifi edib.
Vogue və People nəşrlərinin məlumatına görə, cütlüyün nişanlandığı təsdiqlənib. Sienna Miller və Oli Green münasibətlərinə 2022-ci ildə başlayıblar və bir müddət sonra ictimaiyyət qarşısına birlikdə çıxıblar.
Cütlük artıq iki övlad sahibidir. Onların ilk övladı 2024-cü ilin əvvəlində dünyaya gəlib, ikinci övladlarının doğumu isə 2026-cı ildə təsdiqlənib.
Mətbuatda ən çox diqqət çəkən məqamlardan biri tərəflər arasındakı yaş fərqidir. Oli Green Sienna Millerdən təxminən 14-15 yaş kiçikdir. Buna baxmayaraq, aktrisa daha əvvəl verdiyi müsahibələrdə münasibətindən razı olduğunu və Greenin yetkin, anlayışlı biri olduğunu bildirmişdi.
Oli Green aktyorluqla yanaşı model kimi də tanınır. O, müxtəlif ekran layihələrində rol alıb və moda brendləri ilə əməkdaşlıq edib.
Sienna Miller isə “Alfie”, “Layer Cake”, “Factory Girl” və digər filmlərdəki rolları ilə tanınır. Aktrisanın şəxsi həyatı illərdir media tərəfindən yaxından izlənilsə də, onun Oli Greenlə münasibəti daha sakit və ailə yönümlü tərəfi ilə diqqət çəkib.
Cütlük hələlik toy tarixi ilə bağlı rəsmi açıqlama verməyib.
