Bakıda İƏT-ə üzv dövlətlərin Parlament İttifaqı Konfransının 20-ci sessiyası keçirilir

Bakıda Milli Məclisin ev sahibliyi ilə İslam Əməkdaşlıq Təşkilatının üzvü olan dövlətlərin Parlament İttifaqı (İƏTPİ) Konfransının 20-ci sessiyası keçirilir.

DenMedia.az xəbər verir ki, tədbirin açılış mərasimində İƏT ölkələrinin parlamentlərinin spikerlərinin və müavinlərinin, o cümlədən beynəlxalq təşkilatların nümayəndələrinin çıxışları gözlənilir.

Sessiya çərçivəsində təşkilatın qarşıda duran əsas vəzifələri ətrafında fikir mübadiləsi aparılacaq.

İyunun 25-nə qədər davam edəcək tədbirə 40-dan çox ölkənin parlament nümayəndə heyətinin, 10-dan çox ölkə spikerinin və 10 beynəlxalq təşkilatın nümayəndələri qatılıb.

Parlament əməkdaşlığı vasitəsilə İƏT üzvü olan dövlətlərdə dayanıqlı və inklüziv iqtisadi inkişafın təşviqi” mövzusunda müzakirələr aparılacaq.

Tədbirdə ümumilikdə 400-dən artıq nümayəndənin iştirakı gözlənilir.