Londonda mükafat yağışı Andersonun üzərinə "yağdı"
saida
Pol Tomas Andersonun "Döyüş ardınca döyüş" filmi 79-cu Britaniya Film və Televiziya Sənəti Akademiyasının (BAFTA) mükafatlandırma mərasimində qalib gəlib. Mərasim bazar günü axşam Londonda baş tutub.
Film ümumilikdə altı mükafat qazanıb — o cümlədən ən yaxşı film, adaptasiya olunmuş ssenari, operator işi və montaj üzrə. Pol Tomas Anderson ən yaxşı rejissor seçilib, ekran əsərində rol alan Şon Penn isə ikinci plan üzrə ən yaxşı kişi aktyor mükafatına layiq görülüb.
“Bu gecə Britaniya kino səhnəsi bir filmin ətrafında birləşdi.”
“Ən yaxşı Britaniya filmi” nominasiyasında Xloya Çjaonun “Hamnet” filmi qalib olub. Baş rolu ifa edən Cessi Bakli ən yaxşı aktrisa seçilib.
Ən yaxşı kişi aktyor mükafatı “Ya rugaюсь” filmindəki roluna görə Robert Aramayoya təqdim edilib. Həmin film həmçinin “Ən yaxşı kastinq” nominasiyasında da fərqlənib.
Üç mükafat Rayan Kuqlerin “Günahkarlar” filminə verilib — ikinci plan qadın rolu (Vunmi Mosaku), orijinal ssenari və musiqi üzrə. Eyni sayda mükafat Gilermo del Toronun “Frankenşteyn” filminə təqdim olunub — quruluşçu rəssam işi, qrim və saç düzümü, həmçinin kostyum dizaynına görə.
Ən yaxşı xarici dildə film nominasiyasında danimarkalı Yoakim Trierin “Sentimental dəyər” dramı qalib olub. Ən yaxşı animasiya filmi “Zveropolis 2”, “Bunq” isə ən yaxşı uşaq və ailə filmi seçilib.
