Sarımsaq dərmanlara alternativ ola bilərmi? - FOTO

Sarımsaq soyuqdəymə və ya yüksək təzyiq üçün dərmanların tam əvəzi ola bilməz. Bu barədə dietoloq Tatyana Zaletova “Moskva 24”ə bildirib.

Mütəxəssisin sözlərinə görə, sarımsaq orta dərəcəli hipertoniya olan insanlarda sistolik təzyiqi bir neçə millimetr civə sütunu qədər azalda bilər. Buna səbəb sarımsağın tərkibindəki kükürdlü birləşmələrin damar divarlarında azot oksidinin yaranmasını stimullaşdırmasıdır. Bu maddə damarların boşalmasına və genişlənməsinə kömək edir.

Zaletova vurğulayıb ki, sarımsaq hipertoniya dərmanlarını əvəz etmir, lakin düzgün qidalanmanın bir hissəsi kimi faydalı ola bilər.

Dietoloq həmçinin bildirib ki, sarımsağın müntəzəm istifadəsi “pis” xolesterinin səviyyəsini təxminən 8–10 faiz azalda bilər. Bununla belə, yüksək xolesterin zamanı statinlərin yerini tutması üçün bu təsir kifayət deyil.

Mütəxəssisin sözlərinə görə, sarımsağın antimikrob təsiri onun tərkibindəki allisin maddəsi ilə əlaqədardır. Allisin laboratoriya şəraitində bakteriya, göbələk və virusların fəaliyyətini zəiflədə bilir. Lakin insan orqanizmində bu maddə həmin səviyyəyə çatmadığı üçün sarımsağı soyuqdəymə dərmanlarının əvəzi hesab etmək olmaz.

Denmedia.az