Luçeskunun son arzusu - futbol meydanında ölmək istəyirdi
saida
Buxarest Universitet Xəstəxanasının həkimi Draqoş Vineriyanu vəfat edən məşqçi Mirça Luçeskunun son arzusundan danışıb. Onun sözlərini Digi Sport yayıb.
“Bir dəfə mənə dedi: ‘İstədiyim tək şey futbol meydanında ölməkdir’. Hiss edirdim ki, o açıqdır və müəyyən mənada özü ilə harmoniyadadır. Ona həmişə meydanda olmamaq ağır gəlirdi. Onun bütün həyatı məhz orada keçib”, — deyə Draqoş Vineriyanu bildirib.
Martın 29-da Mirça Luçesku Slovakiya ilə səfər yoldaşlıq oyununa getməzdən əvvəl xəstəxanaya yerləşdirilib. Xəstəxanada o, infarkt keçirib, daha sonra süni komaya salınıb. Aprelin 7-də dünya futbolu tarixinin ən titullu məşqçilərindən biri olan, karyerası ərzində 35 titul qazanan Mirça Luçesku 81 yaşında vəfat edib.
Son dövrlərdə o, Rumıniya millisinin baş məşqçisi idi. Onun rəhbərliyi altında keçirilən son oyunda komanda dünya çempionatı — 2026-nın Avropa seçmə mərhələsinin yarımfinalında Türkiyəyə 0:1 hesabı ilə uduzub və mundiala vəsiqə qazana bilməyib.
