Bərdədə azyaşlı su hovuzuna düşərək boğuldu

Bərdə şəhərində 2 yaşlı uşaq bədbəxt hadisə nəticəsində həyatını itirib.

Denmedia.az “Qafqazinfo”-ya istinadla xəbər verir ki, hadisə şəhərin Molla Pənah Vaqif küçəsində baş verib.

Məlumata əsasən, 2024-cü il təvəllüdlü A.M. (şərti) valideynlərinin nəzarətindən kənarda qalaraq həyətə çıxıb. Azyaşlı həyətdə yerləşən su hovuzuna düşərək boğulub.

Uşağın meyiti sudan çıxarılaraq aidiyyəti üzrə təhvil verilib.

Faktla bağlı araşdırma aparılır.