Dəfələrlə deyilib həmin əraziyə getməyin: Bölgələrdə suda boğulanlar niyə çoxalıb?-VİDEO

Yay aylarında insanların ən çox üz tutduğu məkanlardan biri çimərliklərdir. Lakin hər il çimərliklərdə baş verən bədbəxt hadisələr narahatlıq doğurur. Xüsusilə təhlükəsizliyi təmin olunmayan ərazilərdə dənizə və ya su hövzələrinə daxil olanların sayı az deyil. Xilasetmə xidmətinin olmadığı, xəbərdaredici nişanların qoyulmadığı və nəzarətsiz çimərliklərdə çimmək isə bəzən faciə ilə nəticələnir.

Çaylarda, kanallarda, göllərdə və süni su hövzələrində çimən şəxslər təhlükənin fərqinə varmadan həyatlarını riskə atırlar. Dərinlik, güclü axın, sürüşkən dib örtüyü və nəzarətin olmaması bir anın içində faciəyə səbəb ola bilir.

Mütəxəssislər vətəndaşlara yalnız təhlükəsizliyi təmin olunmuş çimərliklərdən və çimmək üçün nəzərdə tutulmuş ərazilərdən istifadə etməyi tövsiyə edirlər. Valideynlərə isə uşaqları nəzarətsiz buraxmamaq və təhlükəli su hövzələrinə yaxın buraxmamaq barədə xəbərdarlıq edilir.

Unutmayaq ki, sadə təhlükəsizlik qaydalarına əməl etmək bir insan həyatını xilas edə bilər. Yay istirahətinin faciə ilə nəticələnməməsi hər kəsin məsuliyyətli davranışından asılıdır.