Rusiyalı turist Türkiyədə qəhrəmana çevrildi: Azyaşlını ölümdən xilas etdi

Türkiyənin kurort bölgələrindən biri olan Kemerdə rusiyalı turist Danil Levenko güclü çay axınının apardığı azyaşlı qızı xilas edib.

Beyaz Gazete və Trend Haber nəşrlərinin məlumatına görə, Çerepovets şəhərindən olan turist hadisədən sonra sosial şəbəkələrdə qəhrəman kimi tanınmağa başlayıb.

Bildirilir ki, Danil Levenko Kemerdəki dağ çayından sahilə çıxarkən suyun altında azyaşlı qızı görüb. Güclü axın uşağı çayın aşağı hissəsinə doğru aparırmış.

Turist dərhal hərəkətə keçərək qızı sudan çıxarıb və valideynlərinə təhvil verib.

Məlumata görə, azyaşlı hadisə zamanı xəsarət almayıb.

Denmedia.az