Goranboy sakinini əvvəlcə döyüb sonra bıçaqladılar...

Goranboy sakini döyülüb və daha sonra bıçaqlanıb.

Bu barədə Denmedia.az-ın yerli bürosuna məlumat verilib.

Goranboy rayon sakini, 1993-cü il təvəllüdlü T.Tanrıverdiyev mübahisə zəminində döyülüb, daha sonra üz nahiyəsinə bıçaq xəsarəti yetirilib.

Zərərçəkən Gəncə şəhərində yerləşən xəstəxanalardan birinə yerləşdirilib. Onun vəziyyəti orta-ağır qiymətləndirilir.

Mübahisənin səbəbləri və ona xəsarət yetirənin kimliyi dəqiqləşdirilir.

Faktla bağlı araşdırma aparılır.