Sumqayıtda DƏHŞƏT: Bir gecədə 4 nəfər dəm qazından...

Sumqayıt şəhərinin müxtəlif ünvanlarında dəm qazından zəhərlənmə faktları qeydə alınıb.

Bu barədə Denmedia.az saytının qaynar xəttinə daxil olan məlumatda bildirilib.

Məlumata görə, Yaşıl Dərə yaşayış massivində yerləşən fərdi evdə 2006-cı il təvəllüdlü Əliyeva Növrəstə Afiq qızı dəm qazından zəhərlənib. Onun vəziyyəti orta-ağır qiymətləndirilir və hazırda TTYX-da müalicəsi davam etdirilir.

Corat qəsəbəsində, ev №534-də yaşayan 2010-cu il təvəllüdlü Camalov Firudin Sergey oğlu dəm qazından zəhərlənib. Zərərçəkənin vəziyyəti yüngül olub və həkimlərin qərarına əsasən xəstəxanadan evə buraxılması nəzərdə tutulur.

Beton Zavod yaşayış massivində, ev №399-da yaşayan 1998-ci il təvəllüdlü İsmayılov Nurlan Elxan oğlu da dəm qazından zəhərlənmə diaqnozu ilə xəstəxanaya yerləşdirilib. Onun vəziyyəti orta ağırdır.

Ceyranbatan qəsəbəsinin Yeni yaşayış massivində yaşayan 1994-cü il təvəllüdlü Həmidov Aləstə Xalid oğlu isə dəm qazından zəhərlənmə səbəbilə xəstəxanada müalicəsini davam etdirir. Vəziyyəti orta-ağır qiymətləndirilir.

Faktlarla bağlı araşdırma aparılır.

Ellada Rəsul

Denmedia.az