Dörd gün dağıntılar altında: Ata və oğlu xilas edildi
saida
Venesuelada baş verən güclü zəlzələlərdən sonra xilasedicilər dağıntılar altından iki sağ qalan şəxsi çıxarıblar. Bu barədə The Guardian yazıb.
Sağ qalanların ata və onun yeniyetmə oğlu olduğu bildirilir. Onlar dağıntılar altında dörd gün qalıblar.
Nəşrin məlumatına görə, Fransa və ABŞ-dan olan xilasedici qruplar iki nəfəri Karabalyedada aşkarlayıblar. Onlar 7,2 və 7,5 maqnitudalı iki zəlzələdən sonra dağıntılar altında qalıblar. Təbii fəlakət nəticəsində həmin ərazidə təxminən 200 bina tamamilə dağılıb.
Venesuela hakimiyyətinin son məlumatına əsasən, iki güclü zəlzələ nəticəsində 1450 nəfər həlak olub. Daha bir neçə min nəfər xəsarət alıb, çox sayda insan isə hələ də itkin düşmüş hesab olunur.
Dağıntılar altında sağ qalanların axtarışı davam etdirilir.
