SEPAH ABŞ bazalarına “əsl cəhənnəm” xəbərdarlığı etdi
saida
İranın İslam İnqilabı Keşikçiləri Korpusu (SEPAH) ABŞ-a xəbərdarlıq edərək bildirib ki, regiondakı Amerika hərbi bazalarını yaxın vaxtlarda “əsl cəhənnəm” gözləyir. Tasnim-in məlumatına görə, İran tərəfi ABŞ-ın addımlarının Hörmüz boğazı ətrafındakı vəziyyəti dəyişə bilməyəcəyini hesab edir.
SEPAH daha əvvəl Küveyt və Bəhreyndəki ABŞ obyektlərinə qarşı raket və pilotsuz uçuş aparatlarından istifadə etməklə birgə əməliyyata başladığını açıqlamışdı.
İran tərəfinin iddiasına görə, əməliyyat ABŞ-ın daha əvvəl endirdiyi zərbələrə cavab olaraq həyata keçirilir. SEPAH bildirib ki, bundan az əvvəl Amerika hərbçiləri İranın beş sahil postuna hücum edib.
İran tərəfinin versiyasına əsasən, bu addımlar atəşkəs şərtlərini pozur və İran-ABŞ memorandumu ilə ziddiyyət təşkil edir.
