Putinin Alyaska sammitindəki bu hərəkəti indi ortaya çıxdı: Gizli detal

Rusiya Prezidenti Vladimir Putin Alyaskanın Ankoric şəhərində ABŞ Prezidenti Donald Trampla danışıqlardan sonra keçirilən mətbuat konfransında çıxışının gedişində gözlənilməz addım atıb.

Denmedia.az xəbər verir ki, bu məqam “RİA Novosti” tərəfindən də işıqlandırılıb.

Belə ki, “Moskva, Kreml və Putin” verilişində nümayiş olunan kadrlarda dövlət başçısının çıxışı zamanı dörd vərəqi kənara qoyaraq sözlərini improvizə etməsi əks olunub.

Putin çıxışında vurğulayıb ki, Moskva təxribatlar və pərdəarxası intriqalar vasitəsilə Ukrayna münaqişəsinin həllində əldə olunan irəliləyişlərin pozulmasına çalışmaq niyyətində deyil, bu məsələdə Kiyev və Avropa ölkələrinin konstruktiv mövqeyinə ümid edir.

Qeyd edək ki, 15 avqustda Ankoricdə yüksək səviyyəli Rusiya-ABŞ danışıqları keçirilib və sammitin əsas mövzusu Ukrayna münaqişəsinin nizamlanması olub.