Macarıstanda “Pride” qadağası – Müxalifət parlamenti tüstüyə qərq etdi
Macarıstanda Viktor Orban hökumətinin təşəbbüsü ilə hazırlanan və LGBT icmasının “Pride” yürüşlərinin qadağan edilməsinə imkan yaradan mübahisəli qanun dəyişikliyi müxalifətin etirazlarına baxmayaraq parlamentdə qəbul edilib.
18 mart 2025-ci ildə qəbul olunan dəyişikliklər hökumət tərəfindən uşaqların müdafiəsi zərurəti ilə əsaslandırılıb.
Yeni qaydalara əsasən, qadağan olunmuş tədbirlərdə iştirak edən şəxslər yüksək məbləğdə cərimələrlə üzləşə bilərlər. Həmçinin iştirakçıların müəyyənləşdirilməsi üçün üz tanıma texnologiyasından istifadəyə icazə verilir.
Qanunun qəbuluna qarşı çıxan müxalifət deputatları isə parlamentin iclas zalında rəngli tüstü bombaları yandıraraq qərara etiraz ediblər.
Beləliklə, mübahisəli qanun müxalifətin etirazlarına baxmayaraq qəbul olunub.
