Tramp: ABŞ İranla danışıqlar aparmır
ABŞ İranla münaqişənin nizamlanması istiqamətində danışıqlar aparmır. Bu barədə ABŞ Prezidenti Donald Tramp açıqlama verib. Onun sözlərini RİA Novosti yayıb.
“Xeyr, düşünürəm ki, biz onlarla danışıqlar aparmırıq”, – deyə Tramp müvafiq suala cavabında bildirib.
Ağ Ev rəhbəri əlavə edib ki, ABŞ ilə İran arasındakı münaqişə yaxın zamanda “bu və ya digər şəkildə” həll olunacaq.
Oktyabrın 21-də “Financial Times” qəzeti mənbələrə istinadən xəbər verib ki, İsrailin Baş naziri Benyamin Netanyahu ABŞ ilə məsləhətləşmələr zamanı İrana qarşı hərbi əməliyyatların bərpasında israr edir.
