Ağciyərinin aşağı payı çıxarıldı – Papa XIV Leonun xərçəng olduğu təsdiqləndi
Roma Papası XIV Leo ağciyərində aşkarlanan şişlə əlaqədar əməliyyat olunub və müayinə zamanı ağciyər xərçəngi diaqnozu təsdiqlənib.
Vatikanın yaydığı tibbi məlumata görə, 71 yaşlı Papanın sağ ağciyərinin aşağı payı videoassistent üsulla çıxarılıb.
Papa ümumilikdə təxminən 3 saat əməliyyat otağında qalıb, cərrahi müdaxilənin özü isə təxminən 90 dəqiqə davam edib. Əməliyyat uğurla başa çatıb və hər hansı ağırlaşma qeydə alınmayıb.
Əməliyyat zamanı aparılan təcili histoloji müayinə ağciyər adenokarsinoması – bədxassəli şiş diaqnozunu təsdiqləyib. Həkimlər bu ehtimalın əməliyyatdan əvvəl aparılan müayinələrdə də nəzərdə tutulduğunu bildiriblər.
Əməliyyatdan sonra Papa normal şəkildə ayılıb və qısa müşahidədən sonra xəstəxanadakı palatasına qaytarılıb. Xərçəngin yayılıb-yayılmadığını müəyyənləşdirmək üçün əlavə müayinələrin nəticələri gözlənilir.
