15 yaşlı yeniyetməyə 100 il həbs cəzası verildi
ABŞ-də məhkəmə cinayətkar qruplaşmanın tərkibində qadın qətli törədən 15 yaşlı yeniyetməni 100 il müddətinə azadlıqdan məhrum edib.
ABC News-un məlumatına görə, yeniyetmə 2025-ci ilin fevralında İndiana ştatının Anderson şəhərində gecə klubunun yaxınlığında 26 yaşlı qadını güllələyib. Hadisə zamanı daha bir qadın güllə yarası alıb, üçüncü qadını isə atışma yerindən uzaqlaşmağa çalışan avtomobil vurub.
İstintaqın versiyasına əsasən, qurban başqa bir qətlin şahidinə qarşı planlaşdırılmış uğursuz sui-qəsd zamanı öldürülüb.
Məhkəmənin qərarı ilə yeniyetməyə qətlə görə 50 il, cinayətkar dəstənin üzvü olduğuna görə isə daha 50 il həbs cəzası verilib.
Onun iki şəriki də ağır cəzalar alıb: onlardan biri 125 il, digəri isə 90 il müddətinə həbs edilib.
