Böhrandan çıxa bilmədilər: nəhəng aviaşirkət bağlanır
saida
Avropa aviasiya sektorunda ard-arda gələn iflas və bağlanma xəbərlərinə daha biri əlavə olunub.
İsveçrə mərkəzli aviasiya nəşri ch-aviation iddia edib ki, İspaniyanın regional hava yolu şirkəti Air Nostrum tərkibində Hibernian Airlinesın da olduğu Strategic Alliance of Regional Airlines (SARA) holdinqini ləğv etmək qərarı alıb.
Air Nostrum isə yayılan iddialarla bağlı hələlik rəsmi açıqlama verməyib.
Mərkəzi İrlandiyanın Dublin şəhərində yerləşən Hibernian Airlines 2017-ci ildə çarter uçuşları, həmçinin təyyarə, ekipaj, texniki xidmət və sığorta xidmətləri təqdim etmək məqsədilə yaradılmışdı.
Şirkət Air Nostrumun əməliyyatlarını SARA çətiri altında toplamaq qərarından sonra 2024-cü ilin sonunda uçuşlarını dayandırmışdı. Donanmasındakı təyyarələr isə qrup daxilindəki digər şirkətə təhvil verilmişdi.
Tasfiye iddiaları Hibernian Airlinesın yenidən fəaliyyətə qayıtmaq ehtimalının da aradan qalxdığı kimi qiymətləndirilir.
Buna baxmayaraq, Air Nostrumun xüsusilə Balear və Kanarya adaları başda olmaqla İspaniyada daxili uçuş əməliyyatlarını genişləndirməyə davam etdiyi bildirilir.
Şirkət Hibernian Airlinesın gələcəyi ilə bağlı yayılan xəbərləri hələ təsdiqləməyib.
Mütəxəssislərin fikrincə, 2026-cı ildə artan əməliyyat xərcləri və İran müharibəsindən sonra yüksələn aviasiya yanacağı qiymətləri xüsusilə kiçik və orta ölçülü hava yolu şirkətlərinə ciddi təzyiq göstərib.
Yüksək maliyyələşmə xərcləri və tələbatın zəifləməsi də sektorda birləşmə, kiçilmə və ləğv proseslərini sürətləndirən amillər kimi göstərilir.
Bu il fəaliyyətini dayandıran və ya bağlanan şirkətlər arasında Spirit Airlines, Magnicharters, European Cargo, Air Mountain, Jetflite, AlpAvia və H-Bird də yer alıb.
