Tramp 300 milyard dollarlıq İran fondu xəbərini təkzib etdi

ABŞ Prezidenti Donald Tramp İranla münaqişənin nizamlanmasına dair razılaşmanın bir hissəsi kimi 300 milyard dollarlıq özəl investisiya fondunun yaradılması barədə xəbərləri təkzib edib.

Ağ Evin yayımına görə, Tramp Fransada keçirilən G7 sammitində bu məlumatın doğru olmadığını bildirib.

“Bu, doğru deyil. Biz investisiya etmirik və bizim belə bir fondumuz yoxdur”, — ABŞ lideri vurğulayıb.

Bundan əvvəl Reuters agentliyi İranla razılaşma çərçivəsində 300 milyard dollarlıq investisiya fondunun nəzərdə tutulduğunu yazmışdı. Agentliyin məlumatına görə, fonda ABŞ, Körfəz ölkələri, Asiya, Cənubi Amerika və Afrika şirkətlərinin investor kimi cəlb oluna biləcəyi bildirilirdi.

Tramp isə bu iddianı rədd edərək ABŞ-ın belə bir fond yaratmadığını və investisiya etmədiyini açıqlayıb.

DenMedia.az