“Gecəyarısından əvvəl və sonra” proqramının aparıcısı dünyasını dəyişdi - FOTO

Tanınmış teleaparıcı Vladimir Molçanov 76 yaşında vəfat edib. Bildirildiyinə görə, o, son bir il ərzində bir neçə dəfə xəstəxanaya yerləşdirilmişdi. 2021-ci ildə Molçanova qaraciyər köçürülmüş, 2022-ci ildə isə o, infarkt keçirmişdi. Ölüm səbəbi hələlik dəqiqləşdirilməyib.

Mənbələrin məlumatına görə, Molçanov 2025-ci il ərzində qarın nahiyəsində kəskin ağrılar səbəbindən beş dəfə xəstəxanaya yerləşdirilib. Sonuncu hospitalizasiya qışda olub. Yayda həkimlər onda mədə-bağırsaq qanaxmasından şübhələniblər.

Ötən ilin dekabrında Molçanov NEWS.ru-ya müsahibəsində guya mədəsində kəskin ağrılar səbəbindən xəstəxanaya yerləşdirilməsi ilə bağlı yayılan şayiələri şərh etməkdən imtina etmişdi. O, qərarını “səsinin pis olması” ilə izah etmişdi.

Vladimir Molçanov 1950-ci il oktyabrın 7-də Moskvada anadan olub. 1967-ci ildə M.V. Lomonosov adına Moskva Dövlət Universitetinin filologiya fakültəsinə, “niderland dili və ədəbiyyatı” ixtisasına daxil olub.

Molçanov son sovet televiziyasının simvollarından biri və kult hesab edilən “Gecəyarısından əvvəl və sonra” proqramının aparıcısı idi. O, həm də sənədli filmlərin müəllifi və pedaqoq kimi tanınırdı. Molçanov MİTRO “Ostankino” Jurnalistika fakültəsində emalatxanaya rəhbərlik edib.

1991-ci ildə o, Dövlət Televiziya və Radio Verilişləri Komitəsindən ayrılıb. 1990-cı illərdə isə RTR, indiki “Rossiya”, və REN TV telekanalları ilə əməkdaşlıq edib.

Bundan başqa, teleaparıcı “Novosti” Mətbuat Agentliyində çalışıb və burada nasist cinayətlərinə dair jurnalist araşdırmaları ilə məşğul olub. “Vremya” proqramının redaksiyasında isə beynəlxalq şöbənin şərhçisi kimi fəaliyyət göstərib.

Jurnalist həmçinin “Qisas gerçəkləşməlidir” adlı kitabın müəllifidir. Bu kitaba görə o, Maksim Qorki mükafatına layiq görülüb.

DenMedia.az